Палессе - гэта натуральны прыродны ландшафт у сэрцы Усходняй Еўропы. Небсяжныя лясы, балоты, поймы, азёры і рэкі - гэта ўсё і ёсць Палессе. Група прыродаахоўных арганізацый працуе разам над тым каб захаваць гэты унікальны ландшафт.

Спазнай прыгажосць палескай прыроды і пазнаёмся з героямі, што стаяць на яе абароне!

Навіны

Унікальная некранутая прырода, якая яднае чатыры краіны

Балоты і лясы Палесся, якія раскінуліся па тэрыторыі Беларусі і Украіны, на ўсходзе маюць працяг у Расіі і на захадзе – у Польшчы. Цалкам раўнінны рэгіён займае больш чым 18 мільёнаў гектараў, што параўнальна з паловай плошчы Германіі.Сэрца Палесся, дзе больш за ўсё разнастайных ландшафтаў, знаходзіцца ў Беларусі і Украіне. Мясцовы пейзаж складаецца з мазаікі верхавых, нізінных і пераходных балот, лясоў, найбуйнейшага ў Еўропе комплексу тарфянікаў у пойме ракі Прыпяць. Палессе – гэта край, ад якога залежыць жыццё буйных млекакормных, такіх як ваўкі, ласі, зубры і рысі. Гэты рэгіён таксама важны для пералётных птушак, якія застаюцца там, каб вывесці птушанят і падсілкавацца перад тым, як выправіцца ў доўгі шлях.Даведайся больш аб жывёльным і раслінным свеце Палесся.

Палессе - унікальны край дзікай прыроды ў Еўропе

Еўрапейскі кландайк для мігруючых птушак

Дом для раслін і жывёл, знаходзячыхся пад глабальнай пагрозай знікнення

Прапануе экасістэмныя паслугі, якія здольны паменьшыць уплыў кліматычных і гідралагічных зменаў

Утварае буйную сетку ўзбярэжных ахоўных тэрыторый Еўропы

Дзікая прырода Палесся ў небяспецы

Некранутаму ландшафту Палесся пагражаюць кліматычныя змены, будаўніцтва дарог і інфраструктуры, парушэнне цэласнасці рэгіёну, асушэнне балот, інтэнсіўныя высечкі, нелегальная здабыча карысных выкапняў і няўстойлівае прыродакарыстанне.
Даведайся больш аб пагрозах Палессю.

Захаваем Палессе ва ўсёй яго некранутай прыгажосці і шырыні!

Прыродаахоўныя арганізацыі і даследчыя інстытуты аб’ядналіся дзеля таго, каб абараніць самае сэрца Палесся, што прыпадае на тэрыторыю Беларусі і Украіны. Сумесна мы працуем над тым, каб захаваць у непарушаным стане гэты ўнікальны ландшафт праз пашырэнне ахоўных тэрыторый, паляпшэнне кіравання імі, падтрымку альтэрнатыўных метадаў гаспадарання. Мы таксама праводзім даследаванні, каб высветліць, якія ахоўныя метады спрацуюць лепш для пэўнага ландшафту, і знайсці доказы таго, што для дзікай прыроды гэтых мясцін наша дзейнасць вельмі важная.Даведайся больш пра нас.

USPB
BTO
USPB
BTO
Дадзены праект з’яўляецца часткай праграмы абароны прыродных ландшафтаў, якія знаходзяцца пад пагрозай знікнення (Endangered Landscapes Programme), і фінансуецца са сродкаў дабрачыннага фонду Лізбет Раўсінг і Пітэра Болдуіна «Аркадзія». Праект каардынуе Франкфурцкае заалагічнае таварыства і ажыццяўляе грамадская арганізацыя “Ахова птушак Бацькаўшчыны” – партнёр BirdLife у Беларусі, Украінскае таварыства аховы птушак і Брытанскі фонд па арніталогіі.